TOVUZUN UCQAR DAĞ KƏNDLƏRİ DƏ BEYNƏLXALQ RABİTƏ SİSTEMİNƏ QOŞULMUŞDUR
Tovuz Rayon Telekommunikasiya Qovşağında quraşdırılan müasir avadanlıq ondan çox sərhəd və ucqar dağ kəndlərinin beynəlxalq rabitə sisteminə qoşulmasına imkan yaratmışdır.
Qovşaqdan AZƏRTAC-ın müxbirinə bildirmişlər ki, 2002-ci il rayon rabitəçiləri üçün uğurlu olub. İl ərzində daxili imkanlar hesabına Azaplı kəndində yeni ATS istifadəyə verilib. Əlimərdanlı, Düz Qırıqlı, Yanıqlı, Yuxarı Öksüzlü, Cırdaxan, Dondar Quşçu kəndlərindəki və rayon mərkəzindəki ATS-lərdə genişləndirmə işləri aparılaraq mindən yuxarı yeni abonentin evinə telefon çəkilmişdir. Rabitəçilər tarif gəlirinə dair illik tapşırığa 100,5 faiz, əhaliyə göstərilən rabitə xidmətinə dair plana 111,5 faiz, telefon çəkilişi üzrə proqrama isə 113 faiz əməl etmişlər.
Bölmənin digər xəbərləri
