Tramp BBC-ni məhkəməyə verməyə borclu olduğunu bildirib
London, 12 noyabr, AZƏRTAC
ABŞ Prezidenti Donald Tramp bildirib ki, 2021-ci il yanvarın 6-da etdiyi çıxış əslində sakitləşdirici xarakter daşıyıb, lakin BBC onu təhrif olunmuş şəkildə təqdim etdiyinə görə bu qurumu məhkəməyə verməyə borcludur.
AZƏRTAC xəbər verir ki, “Fox News” telekanalına müsahibəsində Tramp ilk dəfə vəkillərinin BBC-yə qarşı 1 milyard dollar məbləğində iddia qaldırmaq niyyətində olduqlarını açıqlayıb. O deyib: “Onlar mənim 2021-ci il yanvarın 6-da etdiyim çıxışı dəyişdiriblər. Bu, çox gözəl və sakitləşdirici çıxış idi, amma onlar onu radikal kimi göstəriblər. Məncə, buna görə onları məhkəməyə verməyə borcluyam, çünki belə şeylərə icazə vermək olmaz”.
Bu arada, BBC-nin vəzifədən gedən baş direktoru Tim Devi neytrallıq məsələləri ilə bağlı yaranmış qalmaqal fonunda istefa verərkən, qurumun bəzi səhvlərinin baha başa gəldiyini etiraf edib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
