Tramp: Yeni tariflər ABŞ-a gündə 2 milyard dollar gəlir gətirir
Vaşinqton, 9 aprel, AZƏRTAC
ABŞ-ın idxal olunan mallara tətbiq etdiyi tariflər ölkəyə gündəlik 2 milyard dollar gəlir gətirir.
AZƏRTAC-ın məlumatına görə, bunu ABŞ Prezidenti Donald Tramp Ağ evdə çıxışı zamanı deyib.
Prezident bildirib ki, Vaşinqton öz mallarını ABŞ-a ixrac etmək istəyən 70-dən çox ölkə ilə danışıqlar aparır. "Problem odur ki, biz bu qədər ölkəni tez bir zamanda qəbul edə bilmirik, lakin buna ehtiyac da yoxdur. Çünki tariflər işləyir və ölkəyə daha əvvəl görmədiyimiz səviyyədə pul axır”, - deyə Tramp əlavə edib.
ABŞ Prezidenti bir çox ölkənin Vaşinqtonla ticarət müqaviləsi bağlamaq istədiyini bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
