TURİSTLƏR KASIB ÖLKƏLƏRƏ SƏYAHƏT ETMƏYƏ ÜSTÜNLÜK VERİRLƏR

29.11.2005 [02:42]
Çap et
A⁺ A^-

AZƏRTAC-ın xüsusi müxbiri xəbər verir ki, Seneqalın paytaxtı Dakarda Dünya Turizm Təşkilatı Baş Assambleyasının növbəti yığıncağı keçirilmişdir. Yığıncaqda bildirilmişdir ki, beynəlxalq turizmin inkişafında son illər nəzərəçarpacaq irəliləyiş baş vermiş, 2005—ci ildə 800 milyon turist müxtəlif ölkələrə səyahət etmişdir. Bu, əvvəlki illə müqayisədə 6,5 faiz artım deməkdir.

Son illər turistlər arasında Cənub ölkələrinə güclü axın müşahidə edilməkdədir. 2005-ci ildə bu ölkələrə 300 milyon turistin səfər etməsi, həmin dövlətlərə 177 milyard dollar gəlir gətirmişdir. Dünya üzrə isə ümumililikdə turizmdən 622 milyard dollar (500 milyard avro) gəlir əldə edilmişdir.

Yığıncaqda turistlərin son zamanlar kasıb ölkələrə, xüsusilə Cənubi Afrikaya, habelə Mərakeşə və Tunisə maraqlarının artdığı, turizmin az inkişaf etmiş 49 ölkədən 46-sının ikinci gəlir mənbəyi olduğu qeyd edilmiş, gələcəkdə beynəlxalq turizmin daha da inkişaf etdirilməsi barədə fikir mübadiləsi aparılmış, bu sahənin inkişafına ciddi mane olan beynəlxalq terrorizmə qarşı mübarizə məsələsinə toxunulmuşdur.

TURİSTLƏR KASIB ÖLKƏLƏRƏ SƏYAHƏT ETMƏYƏ ÜSTÜNLÜK VERİRLƏR

MÜƏLLİFLƏ ƏLAQƏ

Bölmənin digər xəbərləri