“Türk Hava Yolları” sərnişinlərin rahatlığına xüsusi əhəmiyyət verir
Bakı, 2 may (AZƏRTAC). “Türk Hava Yolları”nın uzaq ölkələrə səyahət edən sərnişinləri təyyarədə dincəlmək üçün yeni “Sky İllusion” yataq dəstlərindən istifadə edə bilərlər.
Aviaşirkətin Bakı nümayəndəliyindən AZƏRTAC-a bildirmişlər ki, “Türk Hava Yolları” bu yataq dəstini təkcə uzaq məsafəli uçuşlarda deyil, eyni zamanda, bütün səfərlərdə sərnişinlərin istifadəsinə verməyi planlaşdırır.
Dünyanın 246 şəhərinə uçan “Türk Hava Yolları” Azərbaycanın 3 şəhərində - Bakı, Gəncə və Naxçıvandan da uçuşlar həyata keçirir.
Bölmənin digər xəbərləri
