AZƏRTAC-ın Moskvadan aldığı xəbərə görə, Rusiya Müftilər Şurasının sədri Ravil Qaynuddin Türkiyə parlamentinin deputatı Nevzət Yalçıntaşın başçılıq etdiyi nümayəndə heyəti ilə görüşmüşdür. Türkiyə Böyük Millət Məclisinin üzvlərindən ibarət nümayəndə heyəti Moskvaya Rusiya Federasiya Şurasının dəvəti ilə gəlmişdir.

Görüşdə iki ölkənin müsəlman təşkilatları arasında qarşılıqlı münasibətlərin fəallaşdırılmasından danışılmış, Rusiya-Türkiyə əlaqələrini sülh və mehriban qonşuluq əsasında mökəmləndirməyin vacibliyi vurğulanmışdır.

Qonaqlar bildirmişlər ki, Türkiyə bu yaxınlarda 100 illiyi təntənə ilə qeyd edilən Moskva Cümə məscidinin böyük ibadət salonunun genişləndirilməsinə yardım göstərəcəkdir.