QAN YADDAŞI
TÜRKİYƏNİN BAŞ NAZİRİ ERMƏNİSTANI BİR DAHA İŞĞAL OLUNMUŞ AZƏRBAYCAN TORPAQLARINDAN ÇIXMAĞA ÇAĞIRMIŞDIR
AZƏRTAC-ın xüsusi müxbiri xəbər verir ki, Türkiyənin Baş naziri Rəcəb Tayyib Ərdoğan fevralın 26-da Ədalət və İnkişaf Partiyasının Türkiyə Böyük Millət Məclisində keçirdiyi qrup toplantısındakı çıxışında Ermənistanı bir daha işğal etiyi Azərbaycan torpaqlarından çıxmağa və işğalçı siyasətə son qoymağa çağırmışdır.
Xocalı soyqırımı ilə bağlı Azərbaycan xalqına başsağlığını çatdıran Türkiyə hökumətinin başçısı, ölkəsinin bu qətliamı pislədiyini demişdir. Bildirmişdir ki, uydurma “erməni soyqırımı” iddiaları irəli sürən ermənilərin, əslində bir daha tarixə baxmaları lazımdır. Xocalı qətliamı onların özlərinin türklərə qarşı törətdikləri çoxsaylı soyqırımlarından biridir.