TÜRKİYƏNİN BİNGÖL VİLAYƏTİNDƏ KÜRD YARAQLILARI İLƏ TOQQUŞMA BAŞ VERMİŞDİR

07.06.2004 [22:42]
Çap et
A⁺ A^-

AZƏRTAC-ın Anadolu Agentliyindən aldığı xəbərə görə, iyunun 7-də Türkiyənin Bingöl vilayətində Kürd İşçi Partiyasının (PKK) yaraqlıları ilə toqquşma nəticəsində dörd türk hərbçisi yaralanmışdır. Yaraqlıların itkiləri barədə məlumat verilmir.

Yolgedən və Ağcadamlar yaşayış məntəqələrində kürd yaraqlılarının olması barədə məlumat alındıqdan sonra bu bölgəyə Türkiyənin xüsusi təyinatlı bölmələri göndərilmişdir. Döyüş də burada baş vermişdir. Yaralılar nəqliyyat vertolyotunda Elyazıq hərbi hospitalına çatdırılmışlar.

Toqquşma bölgəsində əlavə hərbi qüvvələr gətirilmişdir və kürd yaraqlılarının mühasirəyə alınıb məhv edilməsi əməliyyatı aparılır.