Türkiyənin ilk milli peyki aprelin 11-də orbitə buraxılacaq
Bakı, 9 aprel, AZƏRTAC
Türkiyənin “İMECE” ilk müşahidə peyki aprelin 11-də kosmosda orbitə buraxılacaq.
AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğan tviterdə yazıb.
Bildirilib ki, Türkiyənin yerli və milli vasitələrlə istehsal edilən ilk yüksək ayırdetmə qabiliyyətinə malik müşahidə peyki olan “İMECE” aprelin 11-də orbitə buraxılacaq.
“Təlim keçmiş insan resurslarımız, təqdim etdiyimiz imkanlar və inkişaf etdirdiyimiz texnologiyalar sayəsində biz qlobal kosmik yarışda mövcud olmağa davam edəcəyik”, - Türkiyə Prezidenti qeyd edib.
Bölmənin digər xəbərləri
