TÜRKMƏNİSTAN PREZİDENTİ ÖLKƏDƏ ZƏNGİN ADAMLARIN MEYDANA GƏLMƏSİNİ ALQIŞLAYIR
Mərv vilayətinin kənd əhalisi ilə görüşündə Prezident vurğulamışdır ki, onun da quşçuluq ferması var. S.Niyazov demişdir: “Mən altı il əvvəl 3,5 milyon dollar kredit götürüb quşçuluq ferması tikdirdim. Artıq krediti qaytarmışam. Fermada cəmi 4 nəfər işləyir. Təsərrüfatda ikisarılı yumurta yumurtlayan 41 mindən çox xüsusi cinsli toyuq saxlanılır. Toyuq ətinin kiloqramını 8 dollardan paytaxtın restoranlarına satırıq”.
Niyazov sahibkarları dəstəklədiyini bildirərək nəzərə çarpdırmışdır ki, ölkədə muzdlu işçi qüvvəsindən istifadə edən zəngin adamların – bəylərin meydana gəlməsini alqışlayır. O, hətta vəd etmişdir ki, yaxın 10 ildə muzdlu işçi qüvvəsi tutulması üçün vergi ödənilməyəcəkdir. Dövlət başçısı etiraf etmişdir ki, hələlik ölkədə türkmənlərin çoxu alver hesabına zənginləşir. Ona görə də energetika, neft-qaz, nəqliyyat və sənaye sahələri hələ uzun müddət dövlət tərəfindən idarə olunacaqdır.
Bölmənin digər xəbərləri
