TÜRKMƏNİSTANDA İCTİMAİ YERDƏ SİQARET ÇƏKMƏK QADAĞANDIR
Mayın 31-də Aşqabad Tibb İnstitutunda paytaxt tələbələrinin və “Sağlıq” milli mərkəzi fəallarının iştirakı ilə keçirilən mitinqdə belə bir fikir səslənmişdir ki, “prezidentin siqaret çəkməyə qadağa qoyan 2000-ci il fərmanını əhali hərtərəfli dəstəkləyir.”
Fərmana əsasən, nazirliklərdə, idarələrdə, sənaye müəssisələrində, bütün təşkilatlarda, habelə hərbi hissələrdə, bütün təhsil müəssisələrində, teatrlarda, kinosalonlarda, ictimai nəqliyyatda və vətəndaşların kütləvi istirahət yerlərində siqaret çəkmək qadağandır.
Paytaxt polisinin məlumatına görə, indiyədək cərimələnmə halları çox az olmuşdur. Cərimə, əsasən, tərbiyə məqsədi ilə gənclərə və bu qadağadan xəbəri olmayan qonaqlara tətbiq edilir.
Bölmənin digər xəbərləri
