Ukrayna XİN: Rəsmi Kiyev Dağlıq Qarabağda keçirilən “seçkilər”i qeyri-legitim hesab edir
Bakı, 4 may, AZƏRTAC
Ukrayna Xarici İşlər Nazirliyinin Azərbaycanın işğal altındakı Dağlıq Qarabağ bölgəsində mayın 3-də keçirilmiş “parlament sekçiləri” ilə bağlı yaydığı bəyanatda bildirilir ki, rəsmi Kiyev bu seçkiləri tanımır və qeyri-legitim hesab edir.
AZƏRTAC Ukrayna Xarici İşlər Nazirliyinin saytına istinadla xəbər verir ki, bəyanatda Ukraynanın Dağlıq Qarabağ münaqişəsinin Azərbaycanın suverenliyinə, ərazi bütövlüyünə və beynəlxalq səviyyədə tanınmış sərhədlərinə hörmət prinsipləri çərçivəsində sülh yolu ilə həllini dəstəklədiyi bildirilir. Vurğulanır ki, Azərbaycanın işğal edilmiş ərazilərində keçirilən bu “seçkilər”in hüquqi nəticəsi ola bilməz.
Bölmənin digər xəbərləri
