Ukraynada meşə massivində güclü yanğın: azı 9 nəfər həlak olub
Kiyev, 1 oktyabr, AZƏRTAC
Ukraynanın Luqansk vilayəti ərazisində meşə massivində baş verən genişmiqyaslı yanğın zamanı azı 9 nəfər həlak olub. AZƏRTAC xəbər verir ki, bu barədə Ukraynanın Daxili İşlər nazirinin müavini Sergey Yarovoy məlumat verib.
Onun sözlərinə görə, meşə massivində baş verən yanğın zamanı 22 kənddə vəziyyət daha təhlükəli olub. Yanğın 250 evə ziyan vurub, 20-yə yaxın insan isə müxtəlif dərəcəli xəsarətlərlə xəstəxanalara yerləşdirilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
