ÜMUMMİLLİ LİDERİMİZ HEYDƏR ƏLİYEVİN ƏZİZ XATİRƏSİ TÜRKİYƏNİN İZMİR ŞƏHƏRİNDƏ YAD OLUNMUŞDUR
AZƏRTAC-ın xüsusi müxbiri xəbər verir ki, ölkəmizin İstanbuldakı Baş konsulluğunun, yeni yaradılmış Azərbaycan Mədəniyyət və Həmrəylik Təşkilatının, İzmirin Bornova bələdiyyəsinin və bu şəhərdə fəaliyyət göstərən Azərbaycan Mədəniyyəti Cəmiyyətinin təşkil etdiyi tədbirdə görkəmli şəxsiyyət Heydər Əliyevin əziz xatirəsi bir dəqiqəlik sükutla yad olunmuşdur.
Azərbaycan Təhsil Nazirliyinin Türkiyədəki nümayəndəsi Nəcibə Nəsibova, Bornova bələdiyyəsinin başçısı Çingiz Bulud və başqaları çıxışlarında böyük öndərin misilsiz fəaliyyətindən danışmış, müasir dövrdə Azərbaycanın beynəlxalq aləmdə tanınmasında və nüfuz qazanmasında Heydər Əliyevin böyük əməyini və rolunu xüsusi vurğulamışlar.
Mərasimdə Türkiyənin bir çox şəhərində təhsil alan minlərlə azərbaycanlı tələbənin ümummilli liderimiz Heydər Əliyevə yazdıqları rəmzi məktubun mətni oxunmuşdur.
Bölmənin digər xəbərləri
