UNAOC direktoru: İrsin dirçəldilməsi mədəniyyətlərarası dialoqu gücləndirir
Bakı, 21 may, AZƏRTAC
Şəhərlər yalnız beton və infrastrukturlardan ibarət deyil-onlar mədəniyyət, yaddaş və kimlik üzərində qurulur. İnsan mərkəzli yanaşma və aidiyyət hissinin gücləndirilməsi bu məsələdə əsas rol oynayır.
AZƏRTAC xəbər verir ki, bunu Birləşmiş Millətlər Təşkilatının Sivilizasiyalar Alyansının (UNAOC) direktoru Nihal Saad mayın 21-də BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən "Secure Model-Münaqişədən sonrakı şəhərlərin davamlı və gücləndirici mədəni canlanması" adlı panel sessiyada videobağlantıda çıxışı zamanı deyib.
O bildirib ki, bu kontekstdə irsin dirçəldilməsi mədəniyyətlərarası dialoqun gücləndirilməsində mühüm rol oynayır.
"İstər tarixi, istərsə də müasir insan fəaliyyəti ilə formalaşmış irsi canlandırdıqda, biz yalnız keçmişi qorumaqla kifayətlənmirik-müxtəlif icmaların bir-biri ilə qarşılaşdığı, fikir mübadiləsi apardığı və etimad qurduğu ortaq məkanlar yaradırıq. Etimadın qurulması burada əsas şərtlərdən biridir. Bu proses mədəniyyətlərarası dialoqun inkişafı üçün zəruri olan şəraiti formalaşdırır", - deyə o qeyd edib.
Bölmənin digər xəbərləri
