Universiada: Azərbaycan təmsilçiləri bu gün altı idman növü üzrə mübarizə aparacaqlar
Essen, 22 iyul, AZƏRTAC
Almaniyanın Reyn-Rur regionunda keçirilən Ümumdünya Yay Universiadasında Azərbaycan təmsilçiləri bu gün altı idman növü üzrə mübarizə aparacaqlar.
AZƏRTAC xəbər verir ki, idmançılarımız taekvondo, kamandan oxatma, badminton, stolüstü tennis, üzgüçülük və çimərlik voleybolu yarışlarında qüvvələrini sınayacaqlar.
Qeyd edək ki, hazırda Azərbaycanın aktivində üç medal var. Bədii gimnastika üzrə qrup hərəkətləri komandası iki qızıl və bir gümüş mükafat əldə edib. Azərbaycan medal sıralamasında 11-ci pillədə qərarlaşıb.
Bölmənin digər xəbərləri
