Uşaq evində “QİÇS-lə mübarizə” mövzusunda maarifləndirici tədbir keçirilib
Bakı, 1 dekabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi və Respublika QİÇS-lə Mübarizə Mərkəzinin birgə təşkilatçılığı ilə 3 saylı Uşaq evi sosial xidmət müəssisəsində “QİÇS-lə mübarizə” mövzusunda maarifləndirici tədbir təşkil olunub.
Agentliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, tədbirin məqsədi uşaqların sağlam həyat tərzi, infeksiyalardan qorunma və təhlükəsiz davranış qaydaları barədə məlumatlılığının artırılmasından ibarət olub.
Ümumdünya QİÇS-lə Mübarizə Gününə həsr olunan görüş zamanı uşaqlara immunçatışmazlığı virusu, onun yayılma yolları və qarşısının alınması üsulları barədə məlumat verilib.
Respublika QİÇS-lə Mübarizə Mərkəzinin mütəxəssisləri profilaktik tədbirlərin əhəmiyyəti, vaxtında müraciətin vacibliyi və maarifləndirmə işinin cəmiyyət üçün yaratdığı müsbət təsirlər haqqında danışıblar. Həmçinin uşaqların sualları cavablandırılıb, mövzuya dair maarifləndirici materiallar təqdim olunub.
Bölmənin digər xəbərləri
