VAŞİNQTONDA YAŞAYAN AZƏRBAYCANLILAR VƏ TÜRKLƏR ETİRAZ AKSİYASI KEÇİRMİŞLƏR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, Vaşinqtonda yaşayan azərbaycanlılar və türklər bir qrup erməninin qondarma erməni soyqırımı ilə bağlı Türkiyənin ABŞ səfirliyi qarşısında təşkil etdiyi tədbirlə əlaqədar etiraz aksiyası keçirmişlər. Yürüş-mitinqdə əllərində “Uşaqlarınızı nifrətlə böyütməyin!”, “Tarixi tarixçilər araşdırmalıdır!” sözləri yazılmış plakatlar tutmuş soydaşlarımız “Yaşasın Türkiyə!”, “Yaşasın Azərbaycan!”, “Erməni yalanlarına son qoyulsun!” şüarları səsləndirmişlər. Sanksiyalaşdırılmış aksiya verilən müddətdə başa çatdırılmışdır.
Bölmənin digər xəbərləri
