VƏNƏNDÇAY ÜZƏRİNDƏ YENİ KÖRPÜ
Ordubad rayonunun Dırnıs kəndində, Vənəndçay üzərində yenicə istifadəyə verilən 30 metrlik körpü çayın digər sahilində son vaxtlar məskunlaşmış 50 ailənin kəndlə əlaqəsini, habelə nəqliyyat vasitələrinin hərəkətini asanlaşdırmışdır. Bu, son 7 ildə Naxçıvan Muxtar Respublikasında istifadəyə verilən 54-cü körpüdür.
Körpünün istifadəyə verilməsi münasibətilə keçirilmiş mərasimdə Muxtar Respublika Ali Məclisinin sədri Vasif Talıbov çıxış edərək, kənd sakinlərini 31 dekabr - Dünya azərbaycanlılarının həmrəyliyi günü və Yeni il münasibətilə təbrik etdi. O, ölkəmizin bu bölgəsində aparılan quruculuq işlərindən söz açaraq bildirdi ki, məhz dövlətimizin başçısı Heydər Əliyevin gündəlik diqqət və qayğısı, Azərbaycanda yaratdığı ictimai-siyasi sabitlik şəraiti blokada vəziyətində olan Naxçıvan Muxtar Respublikasının problemlərinin aradan qaldırılmasına imkan yaradır.
Bölmənin digər xəbərləri
