XALQ ARTİSTİNİN YUBİLEYİ QEYD OLUNMUŞDUR
Azərbaycan Mədəniyyət və Turizm, Təhsil nazirliklərindən, Teatr Xadimləri İttifaqından, aktyorun doğulub boya-başa çatdığı Şəmkir rayonundan nümayəndələrin iştirak etdiyi tədbirdə mədəniyyət və turizm nazirinin müavini Ədalət Vəliyev, teatrşünas Yaqub Əlioğlu və başqaları çıxış etmiş, Yasin Qarayevin keçdiyi yaradıcılıq yoluna nəzər salmış, onun sənətkarlıqla yaratdığı rəngarəng obrazlar barədə söz açmışlar.
Respublikamızın teatr kollektivlərinin nümayəndələri yubilyarı təbrik etmiş, ona yaradıcılıq uğurları arzulamışlar.
Mərasim iştirakçıları Yasin Qarayevin oynadığı tamaşalardan səhnələrə baxmışlar.
Tədbirin sonunda Y.Qarayev əməyinə verilən yüksək qiymətə görə Prezident İlham Əliyevə dərin minnətdarlığını bildirmiş, yubiley toplantısının təşkilatçılarına və iştirakçılarına təşəkkür etmişdir.
Bölmənin digər xəbərləri
