İQTİSADİYYAT
Xarici investisiyalı MMC-lərin elektron dövlət qeydiyyatı prosesinin təkmilləşdirilməsi məsələləri müzakirə olunub
![](/files/galleryphoto/2023/1/1200x630/1680855220533439144_1200x630.jpg)
![](/files/galleryphoto/2023/1/1200x630/16808552203015844950_1200x630.jpg)
![](/files/galleryphoto/2023/1/1200x630/16808552204019752553_1200x630.jpg)
![](/files/galleryphoto/2023/1/1200x630/16808552202137716792_1200x630.jpg)
Bakı, 7 aprel, AZƏRTAC
İqtisadi İslahatların Təhlili və Kommunikasiya Mərkəzində (İİTKM) Dünya Bankı Qrupunun “Əlverişli Biznes Mühiti” layihəsinin “Biznesə daxilolma” indikatoru ilə bağlı müvafiq sahədə təkmilləşmələrin həyata keçirilməsinə dair 2022-2023-cü illər üzrə Yol Xəritəsi”ində nəzərdə tutulan xarici investisiyalı məhdud məsuliyyətli cəmiyyətlərin elektron dövlət qeydiyyatı prosesinin təkmilləşdirilməsi ilə bağlı görüləcək işlərlə əlaqədar görüş keçirilib.
Mərkəzdən AZƏRTAC-a bildirilib ki, görüşdə İİTKM, Dövlət Vergi Xidməti (DVX) və “B.est Solutions” MMC-nin nümayəndələri tərəfindən xarici investisiyalı məhdud məsuliyyətli cəmiyyətlərin elektron dövlət qeydiyyatı ilə bağlı Yol Xəritəsində nəzərdə tutulan təkmilləşmə imkanları barədə mümkün olan texniki həllər və digər məsələlər müzakirə olunub.