XARİCİ ÖLKƏLƏRDƏ YAŞAYAN AZƏRBAYCANLILARLA İŞ ÜZRƏ DÖVLƏT KOMİTƏSİNİN SƏDRİ ABŞ-A GEDƏCƏKDİR
AZƏRTAC xəbər verir ki, Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov mayın 10-dan 21-dək ABŞ-da səfərdə olacaqdır. Dövlət Komitəsindən bildirmişlər ki, səfər zamanı N.İbrahimov Los-Anceles, San-Fransisko, Nyu-York şəhərlərində Azərbaycan diasporu, həmçinin yəhudi, türk və digər dost xalqların icmaları ilə görüşlər keçirəcəkdir. Bu görüşlərdə Azərbaycanla bağlı məlumatların, həqiqətlərin dünya ictimaiyyətinə çatdırılması, diasporumuzun təşkilatlanması, güclənməsi məsələləri müzakirə ediləcəkdir.
Bölmənin digər xəbərləri
