XARİCİ ÖLKƏLƏRİN TURİST TƏŞKİLATLARININ AZƏRBAYCANA MARAĞI ARTIR

15.04.2004 [11:37]
Çap et
A⁺ A^-

Türkiyə, İtaliya, Çexiya və Tailandın müxtəlif turist təşkilatları Bakı Səyahətlər və Ekskursiya Bürosu ilə əməkdaşlıq etmək arzusunda olduqlarını bildirmişlər.

Bürodan AZƏRTAC-a bildirmişlər ki, bir neçə gün bundan əvvəl Bakıda III Azərbaycan Beynəlxalq Turizm və Səyahətlər sərgisi keçirilərkən həmin təşkilatlarla 17 saziş imzalanmışdır. Yeni tərəfdaşlara Azərbaycanın turizm imkanları, ölkəmizin tarixi, memarlıq abidələri, səfalı yerləri, təbii müalicə qaynaqları, xalqımızın adət və ənənələri barədə məlumat toplusu, turist sorğu kitabları təqdim edilmişdir.

Bu il xarici ölkələrdən Azərbaycana əvvəlki illərə nisbətən xeyli çox turizm və səyahət həvəskarının gəlməsi gözlənilir.