Xocalı faciəsi azərbaycanlıların yaddaşından heç vaxt silinməyəcəkdir
Bakı, 26 fevral (AZƏRTAC). Böyük imperiyalar yarananda da, dağılanda da törətdikləri dəhşətli faciələrlə yadda qalırlar. Xocalı qətliamı sovet imperiyasının tarixinə qara hərflərlə yazılan faciələrdəndir.
AZƏRTAC xəbər verir ki, bu sözləri fevralın 26-da Bakıda Xocalı soyqırımının 20-ci ildönümü ilə əlaqədar ümumxalq yürüşündə iştirak edən 117 nömrəli orta məktəbin müəllimi Yasər Nadirov demişdir. Bildirmişdir ki, bu qırğın məhz keçmiş sovet ordusunun 366-cı motoatıcı alayının erməni quldurlarına köməyi ilə törədilmişdir. Tarixin səhifəsinə qanla yazılmış Xocalı faciəsi azərbaycanlıların yaddaşından heç vaxt silinməyəcəkdir.
Y.Nadirov vurğulamışdır ki, Xocalıda kütləvi insan qırğını ilə nəticələnən bu faciə zamanı Azərbaycanın qədim abidələri, mədəniyyət ocaqları da ermənilər tərəfindən talan edilmişdir.
Bölmənin digər xəbərləri
