XOCALI FACİƏSİNİN 16-CI İLDÖNÜMÜ İLƏ ƏLAQƏDAR BRİTANİYA PARLAMENTİ QARŞISINDA AKSİYA KEÇİRİLMİŞDİR
AZƏRTAC xəbər verir ki, London Azərbaycan Cəmiyyəti, Azərbaycanlı Gənclər Klubu və Britaniya Güney Azərbaycan Mədəniyyət Ocağının təşkil etdikləri aksiyaya Böyük Britaniyadakı Azərbaycan icmasının, eləcə də Türk Dərnəkləri Federasiyasının nümayəndələri də qatılmışlar. “Azərbaycana qarşı olan erməni terroruna son”, “Biz savaşı başladanlara qarşıyıq” kimi şüarların səsləndirildiyi aksiyada 200 nəfərə yaxın insan iştirak etmişdir. İki saat davam edən tədbir çərçivəsində ictimaiyyət nümayəndələrinə Xocalı faciəsi ilə bağlı məlumat vərəqələri də paylanmışdır.
Qeyd edək ki, keçən il London Azərbaycan Cəmiyyəti və Azərbaycanlı Gənclər Klubunun təşəbbüsü ilə Londonun mərkəzi küçələrindən birində Xocalı faciəsinin 15-ci ildönümü ilə əlaqədar açıq havada soyqırımdan bəhs edən fotosərgi keçirilmişdi.
######
Bölmənin digər xəbərləri
