Xocalı soyqırımı insanlığın faciəsidir
Bakı, 26 fevral (AZƏRTAC). Ermənilərin Xocalıda törətdikləri faciə Azərbaycan xalqına qarşı soyqırımıdır. Bu, erməni vandallığının və düşmənçiliyinin bariz nümunəsidir. Erməni faşistlər tərəfindən törədilmiş bu soyqırımı təkcə Azərbaycan xalqının deyil, həmçinin insanlığın faciəsidir.
AZƏRTAC xəbər verir ki, bu sözləri Bakıda Xocalı soyqırımının 20-ci ildönümü ilə əlaqədar keçirilən ümumxalq yürüşündə iştirak edən Nəsimi rayonundakı 268 nömrəli xüsusi məktəbin müəllimi İbrahim Ömərov demişdir.
İ.Ömərov bildirmişdir ki, Azərbaycan xalqının qan yaddaşı olan Xocalı soyqırımı heç bir zaman unudulmayacaqdır. Xocalı faciəsi haqqında həqiqətlərin dünya ictimaiyyətinə çatdırılması hər bir Azərbaycan vətəndaşının borcudur. Xocalıda yaşanan hadisələr yaxın tariximizdə baş vermişdir. Biz dünya ictimaiyyətinə üz tutub deyirik ki, Xocalıda soyqırımı törədilmişdir. Mən Xocalıda erməni faşistləri tərəfindən vəhşicəsinə qətlə yetirilənlərə Allahdan rəhmət diləyirəm.
Bölmənin digər xəbərləri
