Xocalı soyqırımı qurbanlarının əziz xatirəsi Məşhəd və Qum şəhərlərində də anılmışdır
Məşhəd, 27 fevral (AZƏRTAC). Xocalı soyqırımının iyirminci ildönümü ilə əlaqədar Məşhəd şəhərində də anma mərasimi təşkil olunmuşdur.
Azərbaycan Respublikasından olan zəvvarlar üçün təşkil olunmuş mərasimdə Xocalı soyqırımı qurbanlarının əziz xatirəsi ehtiramla yad edilmiş, ruhlarına dualar oxunmuşdur.
Qum şəhərində təhsil alan tələbələrimiz də Xocalı şəhidlərinin xatirəsini anım mərasimi təşkil etmişlər.
XX əsrin ən dəhşətli faciəsi olan Xocalı soyqırımını törədənləri lənətləyən natiqlər bildirmişlər ki, Azərbaycan xalqı öz günahsız övladlarının başına gətirilən bu müsibəti heç vaxt unutmayacaqdır.
İştirakçılara Xocalı soyqırımını əks etdirən foto və digər əyani vəsaitlər paylanmışdır.
Sabir Şahtaxtı
AZƏRTAC-ın xüsusi müxbiri
Məşhəd
Bölmənin digər xəbərləri
