XOCALI SOYQIRIMI QURBANLARININ XATİRƏSİ XARİCİ ÖLKƏLƏRDƏ DƏ ANILACAQDIR
Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov AZƏRTAC-a bildirmişdir ki, Xocalı soyqırımının 15-ci ildönümü xarici ölkələrdə yaşayan soydaşlarımız tərəfindən geniş qeyd ediləcəkdir. Avropa, MDB, ABŞ, Yaponiya, Avstraliya, Türkiyə və digər Asiya ölkələrində fəaliyyət göstərən Azərbaycan diaspor təşkilatları fevralın 26-da faciə qurbanlarını anım mərasimləri keçirəcək, Xocalı soyqırımını əks etdirən fotostendlər, dəyirmi masalar təşkil edəcəklər. Həmin gün şəhidlərimizin ruhuna dualar oxunacaq, ehsan paylanacaqdır. Bəzi ölkələrin dövlət, hökumət və parlamentlərinə Xocalı faciəsinə hüquqi qiymət verilməsi və erməni təcavüzünün pislənməsi ilə bağlı müraciətlər göndəriləcəkdir. Dövlət Komitəsi xarici ölkələrdə fəaliyyət göstərən Azərbaycan diaspor təşkilatlarını bütün lazımi vəsaitlə təmin edəcəkdir.
Bölmənin digər xəbərləri
