Xocalı soyqırımının 20-ci ildönümü ilə bağlı anım tədbiri keçirilmişdir
Bakı, 26 fevral (AZƏRTAC). ARDNŞ-in mətbuat xidmətindən AZƏRTAC-a bildirmişlər ki, qurumun İnsan Resursları Departamentində Xocalı soyqırımına həsr edilmiş tədbir keçirilmişdir.
Əvvəlcə şəhidlərin ruhu bir dəqiqəlik sükutla yad edilmişdir. Sonra departamentin rəisi Asif Bəkirli çıxış edərək bildirmişdir ki, Xocalı faciəsi erməni silahlı qüvvələrinin və onların havadarlarının Azərbaycan xalqına qarşı soyqırımı siyasətinin nəticəsində baş vermişdir. Qeyd olunmuşdur ki, Xocalı faciəsinin günahkarları, təşkilatçıları və icraçıları tarixin məhkəməsi qarşısında cavab verməli olacaqlar.
Daha sonra Xocalı faciəsinə həsr edilmiş sənədli film nümayiş olunmuşdur.
Bölmənin digər xəbərləri
