Xocalıda şəhid olmuş Məzahir Əbilovun anası Qənirə Əbilova ermənilərin tezliklə cəzalarını alacaqlarına inanır
Bakı, 26 fevral (AZƏRTAC). Erməni millətçilərinin azərbaycanlılara qarşı soyqırımı cinayətlərinin cəzasız qalması, bu qətliama beynəlxalq aləmdə siyasi-hüquqi qiymətin verilməməsi ədalətsizlikdir.
Bu fikirləri AZƏRTAC-a müsahibəsində Xocalı faciəsinin 20-ci ildönümü ilə bağlı Bakıda keçirilən ümumxalq yürüşündə iştirak edən şəhid Məzahir Əbilovun anası Qənirə Əbilova demişdir.
Bu dəhşətli faciənin - Xocalı soyqırımının dünyada tanınacağını, bu cinayəti törədənlərin ədalət mühakiməsi qarşısında gec-tez cavab verməli olacaqlarını qeyd edən şəhid anası, qəsbkar Ermənistanın tarix boyu heç zaman ona məxsus olmamış Azərbaycan torpaqlarını xoşluqla, ya da zor gücünə geri qaytarmağa məcbur olacağını, şəhidlərimizin qanının yerdə qalmayacağını bildirmişdir.
Bölmənin digər xəbərləri
