Xocalının mülki əhalisinin kütləvi şəkildə qətlə yetirilməsinə heç cür haqq qazandırıla bilməz
Bakı, 26 fevral (AZƏRTAC). Xocalının dinc mülki əhalisinin kütləvi şəkildə qətlə yetirilməsinə heç cür haqq qazandırıla bilməz. Erməni silahlı dəstələri ağır hərbi cinayət törətmişlər.
Qaçqın və məcburi köçkünlərin gənclər təşkilatının sədri Vüqar Qədirov bu fikri AZƏRTAC-a verdiyi müsahibədə söyləmişdir. Onun fikrincə, Xocalı faciəsinin 20-ci ildönümü ilə bağlı Bakıda keçirilmiş ümumxalq yürüşündə minlərlə insanın iştirak etməsi faktı Azərbaycan xalqının təcavüzkar ermənilər tərəfindən işğal olunmuş torpaqları azad etmək əzmində olmasına dəlalət edir.
V.Qədirov vurğulamışdır ki, Xocalı soyqırımı haqqında həqiqətin bütün dünyaya çatdırılması üzrə dövlət və ictimai təşkilatlar səviyyəsində məqsədyönlü iş aparılır və bu iş artıq öz səmərəsini göstərir. O demişdir: “Azərbaycan xalqı bu faciəni heç vaxt unutmayacaq, Xocalı qırğını hər birimizin yaddaşında həmişəlik qalacaqdır”.
Bölmənin digər xəbərləri
