YANĞINDAN EHTİYATLI OLUN!
Baş Dövlət Yanğın Təhlükəsizliyi İdarəsindən AZƏRTAC-a daxil olmuş məlumatda deyilir ki, Yevlax rayonunda, Xanlar küçəsi 12-də baş vermiş yanğın nəticəsində Ağdam rayonundan olan məcburi köçkünlər Vəliş Sadıqovun və Əzizə Hüseynovanın müvəqqəti yaşadıqları otaqlar, ev əşyaları və 160 kvadratmetr sahə sıradan çıxmışdır.
Şəmkirin Şiştəpə kəndində Lətif Xəlilovun iki otaqlı mənzili, Daşkəsənin Quşçu kəndində Firuzə Tanrıverdiyevanın bir ton quru otu, Bakının Yasamal rayonunda isə Fərzəli Fərzəliyevin idarə etdiyi “Mersedes” markalı mikroavtobus yanmışdır. Dəyən ziyanlar və yanğının səbəbləri müəyyənləşdirilir.
Bölmənin digər xəbərləri
