Yaponiya Bankının rəhbəri iqtisadiyyatın inflyasiya vəziyyətində olduğunu açıqlayıb
Bakı, 23 fevral, AZƏRTAC
Yaponiya Bankının rəhbəri Kazuo Ueda parlament komitəsinin iclasında Yaponiya iqtisadiyyatının hazırda inflyasiya vəziyyətində olduğunu bildirib.
AZƏRTAC “Jiji press” saytına istinadla xəbər verir ki, Kazuo Ueda Nümayəndələr Palatasının büdcə komitəsinin iclasında qiymətlərin keçən ildə olduğu kimi daha da artacağını gözlədiyini və buna görə də ölkə iqtisadiyyatının deflyasiya deyil, inflyasiya vəziyyətində olduğunu açıqlayıb.
Bank rəhbəri, yüksək idxal xərclərinin təsirlərinin azaldığını, lakin əməkhaqqı artımları fonunda xidmət qiymətlərinin artdığını söyləyib.
Kazuo Ueda həmkarlar ittifaqları və Mərkəzi Bankın rəhbərliyi arasında əməkhaqları barədə mart ayında yekunlaşacaq danışıqlarının nəticəsini yaxından izlədiyini qeyd edib.
Bölmənin digər xəbərləri
