Yeni növ quş qripi tezliklə mutasiyaya uğraya və insandan-insana keçə bilər
Moskva, 12 mart, AZƏRTAC
Yeni növ A(H5N8) quş qripi tezliklə mutasiyaya uğraya və insandan-insana keçə bilər.
AZƏRTAC xəbər verir ki, bu barədə Rusiya Federal İstehlakçıların Hüquqlarına və İnsan Rifahı Sahələrinə Nəzarət Xidmətinin (“Rospotrebnadzor”) rəhbəri Anna Popova məlumat verib.
Onun sözlərinə görə, yeni növ quş qripinin mutasiyaya uğraması ehtimalı böyükdür. Xatırladaq ki, bu ilin fevralında Rusiyanın quşçuluq fabriklərinin birində insanın yeni növ quş qripinə yoluxması faktı müəyyən edilmişdi.
A.Popova bildirib ki, virusun bu cür dəyişməsi gözləniləndir və indidən testlər və peyvəndlər hazırlamaq lazımdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
