2023-cü ildə klublararası dünya çempionatı Mərakeşdə keçiriləcək
Rabat, 17 dekabr, AZƏRTAC
Futbol üzrə klublararası növbəti dünya çempionatı gələn il Mərakeşdə keçiriləcək.
AZƏRTAC xəbər verir ki, bu barədə FIFA qərar qəbul edib.
Çempionat 2023-cü il fevralın 1-dən 11-dək təşkil olunacaq. Yarışda altı qitə konfederasiyasının ən yaxşı klubları, həmçinin Mərakeşin ali futbol divizionunun çempionu iştirak edəcəklər. Turnirdə “Real Madrid” (İspaniya), “Flamenqo” (Braziliya), “Əl-Hilal” (Səudiyyə Ərəbistanı), “Əl-Əhli” (Misir), “Oklend Siti” (Yeni Zelandiya), “Siyetl Saunders” (ABŞ) və "Vidad" (Mərakeş) komandaları mübarizə aparacaqlar.
Nigar Cəfərli
AZƏRTAC-ın xüsusi müxbiri
Rabat
Bölmənin digər xəbərləri
