DÜNYA


30 çəlləkdən ibarət ekzotik hotel

Bakı, 15 oktyabr, AZƏRTAC

Müasir dövrdə ekzotik yerlərdə qeyri-adi hotellərin tikintisi çox dəbdədir. Meksikada Tekila şəhərinin yaxınlığında 30 çəlləkvarı nömrədən ibarət ekzotik hotelin açılması da turizm həvəskarlarının marağına səbəb olub.

AZƏRTAC xarici saytlara istinadla xəbər verir ki, “Matices Hotel de Barricas”, yəni “barrel otel” adını daşıyan otel tez bir zamanda ölkəyə gələn turistlərin sevimli istirahət məskəninə çevrilib.

Çəlləklərin hər birində rahat yaşamaq üçün 2 nəfərlik çarpayı, mini bar olan qonaq və vanna otaqları, hətta bəzilərində cakuzi də var. Bundan başqa, bütün nömrələr split-sistem və pulsuz internetlə təchiz edilib.

Maraqlıdır ki, otel tekila içkisi istehsal edən zavodun yaxınlığında yerləşir.

Turistlər üçün tez-tez meksikalıların məşhur içkilərinin dadına baxmaq üçün ekskursiyalar da təşkil edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.