REGİONLAR


Azərbaycan aşıq sənəti tarixində ilk dəfə dastan tamaşaya qoyulub

Gədəbəy, 18 may, Rauf Hacıyev, AZƏRTAC

Azərbaycan aşıq sənəti tarixində ilk dəfə olaraq dastan tamaşaya qoyulub.

Bu barədə AZƏRTAC-ın bölgə müxbirinə Gədəbəy Aşıq Musiqisi Məktəbinin direktoru Etibar Əliyev məlumat verib.

Bildirilib ki, tamaşa dövrünün ən məşhur aşıqlarından olmuş Vəli Miskinlinin 125 illik yubileyi münasibətilə hazırlanıb. Gədəbəy Aşıq Musiqisi Məktəbinin müəllim və şagird kollektivi mayın 16-da aşığın “Canbağça səfəri” dastanını səhnələşdiriblər.

Bu vaxta qədər milli dastanlarımızın yalnız bir aşıq tərəfindən dinləyicilərə çatdırıldığını deyən E.Əliyev qeyd edib ki, səhnələşdirilən “Canbağça” dastanı tamaşasında 35 nəfər – 16 müəllim, 19 şagird yer alıb. İştirakçılar dastandakı şeirlərin söylənməsində, musiqilərin və xorun ifasında iştirak ediblər.

Xatırladaq ki, aşıq Vəli Miskinli Gədəbəyin Miskinli obasından olub, bu sənətin yaşamasına və inkişafına öz yaradıcılığı ilə töhfə verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.