"Finca Azərbaycan"nın istiqrazlarının yerləşdirilməsi üzrə hərrac keçiriləcək
Bakı, 15 mart, AZƏRTAC
Martın 16-da "Finca Azərbaycan" QBKT MMC-nin istiqrazlarının yerləşdirilməsi Bakı Fond Birjasında (BFB) rəqabətli hərrac üsulu ilə həyata keçiriləcək.
BFB-dən AZƏRTAC-a bildirilib ki, faizli təmin edilməmiş sənədsiz adlı istiqrazın sayı 30 min ədəd, nominal dəyəri 100 manat, illik faiz dərəcəsi 12,5 faiz, tədavül müddəti 24 aydır. Yerləşdirmə üzrə anderrayter “AzFinance İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilib.
Bölmənin digər xəbərləri
