ABŞ-da güclü fırtına səbəbindən ölənlərin sayı 35-ə çatıb
Nyu-York, 16 mart, AZƏRTAC
ABŞ-ın mərkəzi və cənub ştatlarında hökm sürən güclü külək və tornado səbəbindən ölənlərin sayı 35-ə çatıb.
AZƏRTAC-ın məlumatına görə, ölüm halları Missuri, Kanzas, Arkanzas, Texas, Oklahoma ştatlarında qeydə alınıb. Fırtına nəticəsində yollar dağılıb, elektrik naqilləri sıradan çıxıb, ağaclar aşıb, evlərə güclü xəsarət dəyib. İki yüz minə yaxın insan elektrik enerjisiz qalıb.
Martın 14-dən başlayan kəskin hava şəraiti ölkənin şərqinə doğru irəliləyir və hazırda Floridadan Pensilvaniyaya qədər 50 milyondan çox insan şiddətli fırtına təhlükəsi altındadır.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
