ABŞ prezidentliyinə namizəd: Ukraynanın NATO-ya daxil olması Vaşinqtonun maraqlarına cavab vermir
Bakı, 24 sentyabr, AZƏRTAC
Ukraynanın NATO-ya daxil olması Birləşmiş Ştatların maraqlarına uyğun gəlməyəcək.
AZƏRTAC xarici KİV-lərə istinadla xəbər verir ki, bu barədə 2024-cü ildə ABŞ-da keçiriləcək prezident seçkilərində Respublikaçılar Partiyasından namizədliyini irəli sürən Florida qubernatoru Ron Desantis deyib.
O qeyd edib: “Məncə, (Ukraynanın - red.) NATO-ya üzvlüyü bizim maraqlarımıza uyğun deyil. Bu, bizim üçün daha çox öhdəlik demək olacaq və əgər daha çox öhdəlik varsa, onda bizə nə fayda var”
Desantis, həmçinin vurğulayıb ki, Vaşinqton Kiyev hakimiyyətinə sonsuz miqdarda vəsait ayırmamalıdır.
Bölmənin digər xəbərləri
