ABŞ Rusiya və Çinlə birlikdə nüvə arsenalını azaltmaq niyyətindədir
Vaşinqton, 25 avqust, AZƏRTAC
Prezident Donald Tramp ABŞ və Rusiyanın nüvə arsenallarının azaldılmasını müzakirə etdiklərini açıqlayıb.
AZƏRTAC-ın məlumatına görə, bu barədə o, jurnalistlərin suallarını cavablandırarkən deyib.
"Biz Rusiya ilə həmçinin raketlərdən, nüvə silahlarının məhdudlaşdırılmasından və bir çox başqa mövzulardan danışırıq. Biz Çini də buna cəlb edəcəyik. Ən çox nüvə silahı bizdədir. Rusiya ikinci, Çin üçüncüdür. Pekin 5 ildən sonra bizə çatacaq. Biz nüvəsizləşdirmənin tərəfdarıyıq", - deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
