AFFA iki klubu cərimələyib
Bakı, 13 may, AZƏRTAC
Bu gün AFFA-nın İntizam Komitəsinin iclası keçirilib.
AZƏRTAC xəbər verir ki, iclasda Azərbaycan Premyer Liqasının 26-cı turundakı qayda pozuntuları ilə bağlı qərarlar verilib.
“Qəbələ” - “Neftçi” oyununda meydan sahibi komandanın azarkeşləri tərəfindən kütləvi şəkildə təhqiramiz ifadələr işlədildiyi üçün klub 4 min manat cərimə olunub.
“Neftçi” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün klub 4 min manat cərimələnib. Həmçinin Bakı təmsilçisinin fanatları tərəfindən meydana pirotexniki vasitə atıldığı üçün klub 1600 manat cərimə edilib.
Bölmənin digər xəbərləri
