AFFA liqalarda oyunları martın 27-dək təxirə salıb
Bakı, 9 mart, AZƏRTAC
AFFA-nın təşkilatçılığı ilə keçirilən oyunların təxirə salınması müddəti martın 27-dək uzadılıb.
AFFA-dan AZƏRTAC-a bildiriblər ki, bu qərar U-9, U-10, U-11, U-12, U-13, U-14, U-15, U-16, U-17 və Gənclər liqalarının, U-11, U-13, U-16 və Yüksək qızlar liqalarının, "Coca-Cola Məktəbli kuboku"nun, həmçinin Region Liqası turnirinə şamil olunub.
Səbəb kimi bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərarın qüvvədə olma müddətinin martın 27-dək uzadılması göstərilib.
Qeyd edək ki, AFFA liqalarda oyunların təxirə salındığına dair ilk qərarlarını martın 3-də və 5-də açıqlayıb.
Bölmənin digər xəbərləri
