AFİNADA POLİSLƏ GƏNCLƏR QRUPLAŞMALARI ARASINDA TOQQUŞMALAR BAŞ VERMİŞDİR

07.12.2005 [19:57]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Afinada polislə gənclər qruplaşmalarının fəalları arasında toqquşmalar baş vermişdir.

Yunanıstan dövlət televiziyasının məlumatına görə, iğtişaşlar Pandion Universitetinin ərazisində başlanmışdır. Keçmiş Mətbuat Nazirliyi İnformasiya baş katibliyinin bu günlərdə universitetin bilavasitə yaxınlığında tikilmiş çoxmərtəbəli binası iğtişaşlar üçün formal bəhanə olmuşdur.

Gecə çoxsaylı gənclər qruplaşmaları qanuna görə polisin girişi qadağan olunan universitetin ərazisindən binaya basqınlar etmişlər. Nazirliyin binasına cüzi ziyan dəymiş, lakin basqınçılar onu davakar şüarlarla “bəzəmişlər”.

Polis gözyaşardıcı qazdan istifadə edərək, xuliqanları geriyə, universitetin ərazisinə qovmağa çalışmışdır.

Bunun cavabında polislərə “Molotov kokteyli” ilə dolu butulkalar yağdırılmış, partlayışlardan ətraf əraziyə xeyli zərər dəymişdir.