Ağırlıqqaldıranlarımız Moldovada Avropa birinciliyində güclərini sınayacaqlar
Bakı, 30 iyun, AZƏRTAC
Ağırlıqqaldırma üzrə Azərbaycan yığması iyulun 1-10-da Moldovanın paytaxtı Kişineuda keçiriləcək 15 və 17 yaşlı yeniyetmə oğlan və qızlar arasında Avropa birinciliyində iştirak edəcəklər.
AZƏRTAC Azərbaycan Ağır Atletika Federasiyasına (AAAF) istinadla xəbər verir ki, yarışda 15 yaşlı qızlardan Nuray Əbilova (40 kq), Aytən Əliyeva (59 kq) və Arzu Qədimova (76 kq), oğlanlardan Murad Həsənli (49 kq), Yunis Bayramov (67 kq), İsa Əliyev (73 kq), Hüseyn Heydərov (81 kq) və Muhammədəli Məmmədzadə (96 kq) gücünü sınayacaqlar.
On yeddi yaşlı oğlanların mübarizəsində isə Amin Osmanov (55 kq), Turan Əliyev (67 kq) və Ravin Alməmmədov (73 kq) medal qazanmağa çalışacaqlar.
Qeyd edək ki, Avropa birinciliyinə 40-a yaxın ölkədən 416 atlet (196 qız və 220 oğlan) qatılacaq.
Bölmənin digər xəbərləri
