Almaniya Kansleri: Qərbi Balkan ölkələri tezliklə Aİ-yə üzv qəbul edilməlidir
Bakı, 27 mart, AZƏRTAC
Qərbi Balkan ölkələri lazımi kriteriyalara cavab vermək şərti ilə tezliklə Avropa İttifaqına (Aİ) üzv qəbul edilməlidir.
AZƏRTAC xəbər verir ki, bu fikri Almaniya Kansleri Olaf Şolts Sloveniyada bu ölkənin Baş naziri Robert Qolob ilə danışıqlardan sonra deyib.
Şolts qeyd edib ki, üzvlük yalnız bütün meyarların yerinə yetirilməsindən asılıdır.
Almaniya hökumətinin başçısı təsdiqləyib ki, Aİ islahatlar yolu ilə genişlənməyə hazırlaşmalıdır. Xüsusilə, o, hazırda üzv dövlətlər arasında yekdilliyin tələb olunduğu maliyyə və xarici siyasətdə daha səmərəli qərarların qəbulu proseslərinə toxunub.
Qeyd edək ki, hazırda Aİ-yə 27 ölkə üzvdür. Albaniya, Bosniya və Herseqovina, Moldova, Şimali Makedoniya, Serbiya, Türkiyə, Ukrayna və Monteneqro icmaya üzv olmaq üçün namizəd statusuna malikdir.
Bölmənin digər xəbərləri
