Almaniya səfirliyində “Turizm və davamlı inkişaf” mövzusunda yay məktəbinin iştirakçıları ilə söhbət aparılmışdır
Bakı, 13 sentyabr (AZƏRTAC). Almaniyanın Azərbaycandakı səfirliyində Alman Akademik Mübadilə Xidmətinin (DAAD) “Turizm və davamlı inkişaf” mövzusunda yay məktəbinin iştirakçıları ilə söhbət aparılmışdır.
Səfirliyin mətbuat xidmətindən AZƏRTAC-a bildirmişlər ki, müxtəlif ixtisaslar üzrə təhsil alan 16 azərbaycanlı tələbə Almaniya səfirliyinin daimi işlər müvəkkili Volfqanq Mössinger ilə “Hazırda Azərbaycanda turizmin vəziyyəti”, “İnkişaf istiqaməti”, “Davamlı turizm mümkündürmü və buna necə nail olmaq olar?”, eləcə də “Almaniyada turizm sahəsində hansı problemlər var?” sualları ətrafında müzakirələr aparmışdır.
Müzakirələrin sonunda hər iki ölkədə inkişaf meyarı müqayisə edilmiş, həmçinin turizm sahəsində potensialların və risklərin mövcud olmasından nəticə çıxarılmışdır.
Bölmənin digər xəbərləri
