Almaniya Ukraynaya pilotsuz uçan aparatlar tədarük edəcəyini açıqlayıb
Bakı, 24 sentyabr, AZƏRTAC
Almaniya Müdafiə Nazirliyi Ukraynaya 50 pilotsuz uçan aparat tədarük etmək niyyətində olduğunu bildirib.
AZƏRTAC xəbər verir ki, bu barədə Bundesverin saytında yerləşdirilən məlumatda qeyd olunub.
Cihazların ilk partiyası ən qısa zamanda Ukraynaya göndərilməlidir.
Bundan əlavə, Berlin Kiyevə təxminən 400 milyon avro dəyərində geniş dəstək paketi vəd edib. Buraya “Gepard” özüyeriyən zenit qurğusu, IRIS-T orta mənzilli raketləri, hərbi nəqliyyat maşınları üçün ehtiyat hissələri, həmçinin mərmilər, minalar və digər zirehli texnikalar daxildir.
Bölmənin digər xəbərləri
