ALMANİYALI PASTOR QOHUMU HONEKKERİ VƏTƏNİNDƏ TORPAĞA TAPŞIRMAQ NİYYƏTİNDƏDİR

31.05.2004 [13:38]
Çap et
A⁺ A^-

AZƏRTAC-ın xüsusi müxbiri xəbər verir ki, Erix Honekkerin qohumlarından biri, müqəddəs ata və nüfuzlu pastor, keçmiş ADR-in dövlət başçısını vətəni Almaniyada torpağa tapşırmaq qərarına gəlmişdir. Pastor ”Bild” qəzetinə müsahibəsində demişdir: “Hər bir şəxsin kimliyindən, mənəviyyatından və siyasi əqidəsindən asılı olmayaraq, son mənzili, axirət dünyası onun vətəni olmalıdır. Bu, qadir allahın buyruğudur”.

Xatırladaq ki, ADR-in keçmiş dövlət başçısı Almaniyanın birləşməsindən sonra həyat yoldaşı Marqot Honekkerlə birlikdə Çiliyə mühacirətə getmiş və on il öncə Cənubi Amerikada vəfat etmişdir. Marqot Honekker həyat yoldaşının yandırılmış cəsədinin külünü şüşə qabda Santyaqodakı mənzilində indiyədək qoruyub saxlamışdır. Müqəddəs atanın dediyinə görə, birləşmiş Almaniya hökuməti Almaniya Vahid Sosialist Partiyasının keçmiş lideri Honekkerin cənazəsinin vətənə gətirilməsinə qarşı heç bir etiraz bildirməmişdir.

Beləliklə, mərhumun cənazəsi yaxın zamanlarda vətəni Saarland əyalətində torpağa tapşırılacaqdır.

ALMANİYALI PASTOR QOHUMU HONEKKERİ VƏTƏNİNDƏ TORPAĞA TAPŞIRMAQ NİYYƏTİNDƏDİR

MÜƏLLİFLƏ ƏLAQƏ

Bölmənin digər xəbərləri