“ARARAT” TÜRKİYƏDƏ GÖSTƏRİLMƏYƏCƏK
Bədii filmin əsas mövzusu keçən əsrin birinci yarısında Osmanlı İmperiyasında ermənilərə qarşı guya “soyqırım” törədildiyindən bəhs edir. Türkiyənin “Belqe film” özəl kinofilm şirkəti bu filmi Türkiyədə nümayiş etdirmək hüququnu almışdır. Lakin filmin ölkədə göstərilməsinə Mədəniyyət Nazirliyi icazə verməlidir. Mədəniyyət naziri Erkan Mumcu bu məsələ ilə əlaqədar bəyənatla çıxış etmişdir. Nazir filmin qeyri-obyektiv və heç bir tarixi fakta əsaslanmadığını vurğulamış, amma Türkiyənin demokratik bir ölkə olduğuna görə “Ararat” filminin göstərilməsinə icazə verildiyini bildirmişdir.
Mədəniyyət nazirinin bu bəyənatından sonra “Belqe film” şirkəti də bəyənat vermişdir. Şirkət ictimai rəyləri nəzərə alaraq, məkrli məqsəd güdülən bu filmin ölkədə göstərilməməsini qərara almışdır.
Bölmənin digər xəbərləri
